Mon-Poeme.com : Ballade
Amour seuffre qu'on lise les romans
Amour parfaict le vouloir de jeunesse
Amour ferme sa maison a vieillesse
Amour ne veult que pensis on se treuve
Amour cherist Venus comme deesse
Amour blasme ceux qui n'ont robbe neuve
Amour quiert dons royaux precieulx
Amour treuve qu'on doibt estre assouvy
Amour ayme bocquets delicieux
Amour destruit desplaisir et ennuy
Amour baille la foy a son amy
Amour lieve nouveaux fais tous les ans
Amour met hors ceulx qui luy sont nuysans
Amour conduyt en l'ignorance adresse
Amour pourvoyt de contente simplesse
Amour donne sans savoir qui se meuve
Amour veult bien exaucer sa noblesse
Amour blasme ceulx qui n'ont robbe neuve
Amour parle de festes et bombans
Amour se rit de ceulx qui ont feblesse
Amour ne peult porter peine ou detresse
Amour ne croyt pas tout ce qu'on luy preuve
Amour atent tousjours plus grant liesse
Amour blasme ceulx qui n'ont robbe neuve
